Embedded Files
Libera
Libera
Ni yw Libera. Asiantaeth greadigol ddigidol sy'n ddwyieithog o'n pen i'n traed. Daw ein henw, Libera, o'r gair Lladin am rywbeth sydd heb gyfyngiadau.
Rydyn ni'n credu'n gryf nad oes rhaid i ni barhau i wneud pethau yn yr un hen ffordd. Mae dyfeisio ffyrdd newydd, ffres a chreadigol i helpu ein cleientiaid i sefyll allan a llwyddo yn y farchnad arlein yn rhan annatod o'n gwaith.
Rydyn ni'n bodoli er mwyn rhoi hyder i frandiau yn eu marchnata digidol, ac ry'n ni'n awyddus i wneud hynny gan dynnu ar ein profiad cyfunol o 17 mlynedd yn y maes. Bydd ein gwerthoedd yn ein harwain ni ym mhopeth yr ydyn ni'n gwneud, ac ry'n ni'n gwbl ddwyieithog, yn gweithio yn y Gymraeg ac yn Saesneg.
Ein Gwerthoedd
Safonau Uchel
Mae sylw i fanylder yn hollbwysig. Mae hyn wrth wraidd ein gwaith. Ein nod yw i wneud gwaith creadigol, effeithiol a mesuradwy.
Meddwl yn Wahanol
Ry'n ni'n credu'n gryf nad oes rhaid i bethau gael eu gwneud yn yr un hen ffordd bob tro. Ry'n ni'n herio ein hunain i feddwl yn wahanol, ar bob cam o'r daith.
Ar y Pyls
Mae'r cyfryngau cymdeithasol a'r dirwedd ddigidol yn symud yn gyflym. Mae bod yn arweinwyr yn y maes yn rhan annatod o'n haddewid ni.
Pwy ydyn ni?
Pwy ydyn ni?
Elan Iâl
Cyd-sylfaenydd a Chyfarwyddwr
Elan Iâl
Cyd-sylfaenydd a Chyfarwyddwr
Gydag 8 mlynedd o brofiad yn gweithio ym maes marchnata digidol cyn cychwyn Libera yn 2023, a gradd Meistr Marchnata Digidol, mae Elan yn angerddol am sut y mae'r cyfryngau cymdeithasol yn cyd-fynd â nodau marchnata ehangach.
Mae Elan wedi gweithio ar ymgyrchoedd mawr gan gynnwys arwain ar gynnwys organig a cyfryngau cymdeithasol organig a thaladwy ar gyfer y gyfres deledu Craith ar S4C; rheoli'r holl farchnata digidol ar gyfer ymgyrch codi arian lwyddiannus Het i Helpu ar gyfer elusen Urdd Gobaith Cymru, gan gynnwys cynnwys creadigol, cyfryngau cymdeithasol, marchnata e-bost, gwefan a rheolaeth Shopify; a chreu strategaethau cyfryngau cymdeithasol a chreu cynnwys ar gyfer gŵyliau gan gynnwys Eisteddfod yr Urdd a Gŵyl Rhuthun.
Alun Jones
Cyd-sylfaenydd a Chyfarwyddwr
Alun Jones
Cyd-sylfaenydd a Chyfarwyddwr
Gyda 9 mlynedd o brofiad yn y cyfryngau cymdeithasol a marchnata digidol cyn cychwyn Libera yn 2023, mae Alun wedi gweithio ar rai o gyfrifon mwyaf Cymru a’r Gymraeg, gan gynnwys S4C (ac is-frandiau), Heno S4C a’r Scarlets.
Bu Alun yn Reolwr Cyfryngau Cymdeithasol yn S4C am 4 blynedd a hanner, yn gyfrifol am gynnwys cyfryngau cymdeithasol ar gyfer cyfresi teledu, o gynllunio, yr holl ffordd drwodd i ddadansoddi, a phopeth yn y canol, gan adeiladu’r tîm o 2 i 7 aelod yn ystod y cyfnod ac yn profi twf aruthrol ar draws cyfrifon a phlatfformau amrywiol.
Page updated
Report abuse