Mae gan ein tîm gyfoeth o brofiad yn y cyfryngau cymdeithasol a marchnata digidol ar gyfer amrywiol ddisgyblaethau, gan gynnwys darlledu, elusennau a'r trydydd sector, digwyddiadau, chwaraeon, a phrofiad helaeth o weithio ar ymgyrchoedd marchnata Cymraeg a dwyieithog i gyrraedd cynulleidfaoedd amrywiol ledled Cymru.

Ry'n ni'n gweithio yn Gymraeg, yn Saesneg neu'n ddwyieithog - ac yn gwneud hynny'n gywir. Mae ein tîm cyfan yn siaradwyr Cymraeg iaith gyntaf ac yn ysgrifenwyr copi medrus yn y ddwy iaith, gyda graddau dosbarth cyntaf yn y Gymraeg, cefndiroedd yn S4C a'r Urdd, gwobrau ysgrifennu cenedlaethol, ac awdur cyhoeddedig a sgriptiwr yn ein plith. Dim cyfieithiadau trwsgl a dim cyfran o'ch cyllideb yn mynd ar gyfieithu - mae'r dwyieithrwydd wedi'i blethu i mewn o'r dechrau.